Adam Zagajewski (1945-2021) ishte një poet i mirënjohur polak, fitues i disa çmimeve ndërkombëtare për poezi.

Mësuesit e mi

Mësuesit e mi nuk janë të pagabueshëm. 
Ata s'janë Gëteja, 
që kishte net të pagjuma 
vetëm kur vullkanët e largët rënkonin, as
Horaci,
që shkruante në gjuhën e perëndive 
dhe shërbestarëve të altarit. Mësuesit e mi
më kërkojnë këshilla. Me pallto 
të buta hedhur nxitimthi
mbi ëndrrat e tyre, ndaj të gdhiri, kur
era e briskët merr në pyetje zogjtë,
mësuesit e mi flasin me psherëtima.
Unë ua dëgjoj belbëzimin.

Shqip nga anglishtja: e.xhaja

Burimi: Zagajewski, Adam. Tremor. Përkthimi. Renata Gorczynski. New York: Farrar, Straus & Giroux, 1985.