William Butler Yeats(1865-1939) ishte një poet, dramaturg dhe shkrimtar irlandez. Ai konsiderohet një ndër shkrimtarët më të mëdhenj  të shekullit të njëzet. Poezia që po sjellim më poshtë titullohet ‘The Second Coming”.

Duke u sjellë dhe risjellë në vorbullën e zgjeruar,

Fajkoi s’ia dëgjon më thirrjen mjeshtrit;

Gjërat shkërmoqen; qendra s’mban më;

Anarki e kulluar shpërthen në botë,

Valë gjaku derdhen, dhe gjithkund

Ritet e pafajësisë fundosen;

Më të mirët, të mangët në bindje, të ligjtë

Gëlojnë plot pasione çmendurake.

Patjetër diçka prej zbulese po qaset;

Patjetër Ardhja e Dytë po afrohet.

Ardhje e Dytë! Ende pa dalë fjalët

Kur fekset një vegim nga Spiritus Mundi

Më turbullon shikimin: diku në rërat e shkretëtirës

Një trajtë me trup luani e kokë njeriu,

Me vështrim të zbrazët e të pamëshirë si dielli,

Lëviz ngadalë kofshët, teksa përqark

Lëkunden hijet e zogjve të zemëruar të shkretëtirës.

Errësira bie sërish; por tani e di:

Se njëzet shekuj gjumi të gurtë

Ishin dënuar me makth nga një djep që lëkundej,

Dhe ç’bishë e përbindëshme, së cilës më në fund i erdhi ora,

Zvarritet drejt Betlehemit që të lind?

Shqip: Evi Xhaja