Refaat Alareer (1979 - 2023) ishte një shkrimtar, poet, dhe aktivist palestinez. Vrarë më 6 dhjetor 2023 nga një sulm ajëror izraelit. Poezia që po sjellim më poshtë, u publikua pesë javë para vdekjes së tij, në rrjetet sociale, nga vetë poeti.

Dhe nëse vdes,

ti të jetosh,

historinë time të tregosh,

sendet e mia t’i shesësh,

me to një copë pëlhurë

dhe disa fije të blesh,

(të jetë e bardhë me bisht të gjatë)

që një vocërrak, diku në Gaza

ndërsa qiellin sheh me sy

teksa pret të atin larguar mes flakëve aty-

pa një lamtumirë

as mishit

as vetes së vet-

ta shoh fluturushën, fluturushën time bërë nga ty,

fluturuar lart mbi të

dhe të pandeh për një çast se një ëngjëll është aty

e po sjell sërisht dashuri.

Dhe nëse vdes,

le të sjellë shpresë,

një rrëfim le të jetë.

shqip: e.xhaja