Erë, ujë, gur - Octavio Paz

Uji e gërryen gurin,
era e shpërndan ujin,
guri e ndal erën.
Ujë, erë, gur.

Era e skalit gurin,
guri është kupë uji.
uji ia mbath e bëhet erë.
Gur, erë, ujë.

Era në vërtitjet e veta këndon,
uji teksa rrjedh gurgullon,
guri i palëvizshëm hesht.
Erë, ujë, gur.

Njëri është tjetri dhe asnjëri:
mes emrave të tyre të zbrazët
kalojnë dhe zbehen
ujë, gur, erë.

Poezia në spanjisht mund të lexohet këtu https://trianarts.com/octavio-paz-viento-agua-piedra/#sthash.7cQ8CcE0.dpbs 
Shqip: E.Xhaja