Gabriele D'Annunzio - Dua një dashuri të dhimbshme

Dua një dashuri të dhimbshme, të ngadaltë,
të ngadaltë si një vdekje e ngadaltë,
dhe pa cak(dua që më e fortë
se vetë vdekja të jetë) dhe pa ndryshim.

Dua që pa pushim, në një mundim
të errët, të jenë të zhytur shpirtrat tanë;
dhe pranë portave tona të jetë një det,
i vetmuar, që qan në një heshtje të tendosur.

Dua që kulla të jetë e lartë prej graniti,
dhe aq lartë sa në kthjelltësi
të duket sikur prek yllin e madh polar.

Dua një shtrat të purpurtë, dhe të gjej,
në atë hije, prehur mbi atë kraharor,
si në fund të një varri, pafundësinë.

Shqip: E.Xhaja