_{Lawrence Ferlinghetti (1919-2021) ishte një poet, dramaturg, botues dhe aktivist amerikan. Ai ishte autor i mbi tridhjetë përmbjedhjeve me poezi. Poezia që po sjellim më poshtë titullohet “Pity the nation” dhe ishte bazuar në poezinë me të njëjtën titull të shkruar nga Khalil Gibran.}

_{Mjerë kombi me një popull bagëti,}

_{Me barinj që u hedhin hi syve.}

_{Mjerë kombi me udhëheqës gënjeshtarë,}

_{Me të urtët e heshtur,}

_{Me fanatikët që helmatisin ajrin.}

_{Mjerë kombi që zërin e ngre}

_{Veç për të lëvduar pushtuesin}

_{Që dhunuesin e shpall hero}

_{Që kërkon të sundojë botën}

_{Me forcë dhe me torturë.}

_{Mjerë kombi që s’njeh}

_{Asnjë gjuhë veç të vetes}

_{Dhe asnjë kulturë veç të vetes.}

_{Mjerë kombi që frymën e mban te paraja}

_{që fle gjumin e të nginjurve.}

_{Mjerë kombi, oh mjerë populli,}

_{Që lë të drejtat t’i zbëhen}

_{Dhe liritë t’i shkulen}

_{Atdheu im, qaj për ty}

_{O më e ëmbla tokë e lirisë!}

_{Shqip: Evi Xhaja}

_{Poezia e K.Gibran mund të lexohet në shqip duke klikuar lidhjen (linkun) këtu.}